Asenfaṛ

Asenfaṛ Tadelsant Tamaziɣt – Amaḍal Amaziɣ

Asenfaṛ i d-yebda Maǧid Sula

Iɛeggalen i d-yeslulen : Agraw n 24/04/2018

  1. Lila Nat Dawed Belgasem (d taneɣmast, d taxeddamt deg rradyu).
  2. Fazya Massaid (d tamedyazt, d taxeddamt deg rradyu).
  3. Ǧahida (d taneɣmast, d taxeddamt deg tiliẓri).
  4. Ruza Areẓqi (d taselmadt).
  5. Ɛebdu (ixeddem deg useggem n tugna).
  6. Yusef Amaziɣ (d ameɣnas, d win d ixedmen asenǧaq amaziɣ).
  7. Maǧid Sula (d acennay, d ameɣnas amaziɣ).
  8. Samir Bellaṭec (d axeddam, d ameɣnas n yizerfan n umdan).
  9. Nabil Ǧaɛil (d axeddam deg wasun n 93).
  10. Yunes Mezwad (d amussnaw deg internet).
  11. Maǧid Ḥalu (d amussnaw deg tsuqilt).

Asenfaṛ : Igerdan n Tmazɣa

  1. Asissen s ɣur Maǧid Sula :

Asenfaṛ : Igerdan n Tmazɣa

  1. Asissen s ɣur Maǧid Sula :

Xeddmeɣ deg usalay n LOUVRE taẓuri tagelmant.

Asalay n LOUVRE d amaḍal ameẓyan uɣur d ttasen waṭas n yimdanen seg ddunnit maṛṛa akken ad tẓren. yal ass d ayen ttwaliɣ s walleniw tiwaculin i dittasen ad ẓren asalay s tuget ttmeslayent i warrawnsent s tutlayinnsent. Imaziɣen i dittasen ɣer din drus i yettmeslayen s tmaziɣt i warrawnsent.

Ɣef waya iyi dtekcem tekti n usenfaṛagi akken ad nettikki deg usnerni n tutlayt d yidlesnneɣ deg tmura n Tmazɣa d yimaziɣen anda ma llan deg umaḍal. Aṭas i asxemmeɣ i usenfaṛagi (azal n 3 n yiseggasen aya) ttwaliɣ izmer ad dyawi aṭas i usnerni n tutlaytnneɣ, alemmudines, d uselmedines i warrac, d ttawil i yimawlan akken ad sḥemmlen tamaziɣt i warrawnsen akken ad ttṭṭfen, ad tidir ur tnegger ara.

  1. Iswiyen n usenfaṛa :

Ad nesḥubb Tamaziɣt i tarwanneɣ

Aɣref amaziɣ ilaq ad ixdem afus deg ufus i usnerni n tɣermanneɣ deg Tmazɣa d umaḍal, yessefk ad neqdec deg yiɣerbazen, deg tdukkliwin…

Iswi deg usenfaṛa d afran ara dittilin yal aseggas gar yigerdan yesɛan gar 6 d 8 n yiseggasen, yettikkin deg temzizelt, agellid amecṭuḥ d tgellidt tamecṭuḥt.

S usenfaṛa ad nefk afud i warraw n Tmazɣa, i uɣref amaziɣ ad aẓen ɣer sdat. Ilaq ad tennɛiwen s tikci n warazen, s lǧehd d usirem…

III. Amek ara dtili temzizelt :

Timzizelt ad terzu timura n Tmazɣa : Tigzirin tiknaṛiyin, Lmerruk, Lezzayer, Tunes, Libya, Siwa deg Maser, Muritanya, Mali, d Nnijer. Seg 9 n tmuraya, ad d-nefren aqcic d teqcict seg yal tamurt ; 18 n yigerdan deg akk Tamazɣa. Syin akkin, gar 9 ya n tgellidin d 9 n yigelliden, ad dtili temzizelt gar asen anda ara ad dnefren agellid d tgellidt n Tmazɣa i useggas.

Γer taggara n temzizelt, tagellidt d ugellid i irebḥen ad asennefk timidayin, iselkimen yesɛan isekkilen n tlaṭinit d tfinaɣ, tiɣawsiwin n uɣerbaz, iqraben, uraren, tipuppiyin yettmeslayen s tmaziɣt, idlisen yuran s tmaziɣt, iḍebsiyen n yicennayen imaziɣen imeɣnasen n tmaziɣt, d 250 000 idinaṛen i yal yiwen d yal yiwet seg wid irebḥen timzizelt. 16 n yigerdan nniḍen yekkin deg temzizelt n tagara, ad asennefk timidayin, uraren, d yidlisen. inefrayen n temzizelt daɣen ad asenittunefkent tmidayin d yidlisen n umezruy.

Deg temzizelt tamezwarut, sin ara irebḥen ad asennsemmi : Dihya i tgellidt, Masinisa i ugellid. Widak ara irebḥen deg yiseggasen-nniḍen, ad fernen ismawennsen gar wid ara d theggi tenmehla n temzizelt.

Timzizeltagi tezmer daɣen ad dtili deg tmura yellan beṛṛa i Tmazɣa, igerdan irebḥen ad ttwasnemmren s tedrimt n yal tamurt. Amedya : Deg Fṛansa, tagellidt d ugellid i dyufraren ad ttwasnemmren s 1400 € i yiwen.

Afran n ugellid d tgellidt ad dyettili yal aseggas gar 1 d 20 dujamber. Timzizelt ad tebdu s wudem unṣib deg 11 yennayeragi i d-iteddun.

Tadrimt s ara yeddu usenfaṛ, s ara nesnemmer arrac ara yezdin deg temzizelt, ad tenidjemɛen yinaẓuren n Tmazɣa deg tmeɣriwin ara dheggin i ddemma n waya.

Tanmehla n usenfaṛa ad tɛiwen tamurt ur nessaweḍ ara ad dtejmeɛ ssuma ilaqen s uheggi n tmeɣriwin deg Tmazɣa d umaḍal. Timeɣriwin ad dilint deg tegmat d lfeṛḥ, nessaram yennayer i diteddun d win ara diglun s lfeṛḥ, talwit, asirem, d ssmeḥ, d tegmat gar yimaziɣen.

Ad nessiɣ ticemmaɛin i usmekti n wid yeɣlin ɣef tlelli.

Gar warazen daɣen ara yettunefken i warrac ara irebḥen : Imukan s ssuma taṛexsant deg sarugen (ssalimat), ixxamen n umezgun, uraren, inig n 10 ar 15 n wussan ɣer yiwet gar n tmura n Tmazɣa ara d-yettufernen s tesɣaṛt deg wussan n yimuras. D tagnit akken ad mlilen warrac n Tmazɣa ad myussanen, akken ad snernin tagmat d tdukkli gar-asen.

Sin n yimdanen ara yeddun d warrac akken ad tenḥadren deg yinig, izmer ad ilin d iselmaden neɣ d iɛeggalen n twaculinnsen. Izmer ad d-ilin yinigen ɣer tmura n beṛṛa n Tmazɣa.

Arrac ara irebḥen deg temzeizelt, ad dẓren daɣen isalayen d yimukan n umezruy.

Ilaq-aɣ ad dnessali iseɣ n uɣref amaziɣ deg akk taɣulin : Tasnilest, idles, amezruy…

Arrac ara d yufraren deg temzizelt, ad dilin d amedya i wiyaḍ, ad asengren afud akken ad mmeslayen s tmaziɣt, ad ttikkin deg temzizelt.

Tiɣri i uttikki deg usenfaṛ s lemɛawna d wafud :

Akken ad yeddu usenfaṛ, nessaram daɣen tallelt d wafud n yimawlan n tdamsa deg tmura n Tmazɣa i uxdam n wuraren yettmeslayen s tmaziɣt, d tiɣin n warazen i warrac… tidukkliwin n tɣiwanin n Tmazɣa ilaq daɣen ad d-ɛiwnent s tedrimt, aheggi n yinigen n warrac i dyufraren. Tikebbaniyin ara diɛiwnen ad asentnexdem adellel meqqren, amedya : Takebbanit ara diɛiwnen ad yili yisem-is ɣef yiselsa, tugniwin, ticaciyin, ibilwan… ass deg ara nefṛeq cciɛat.

Ad nger tiɣri daɣen i yiɛeggalen n yigrawen iɣelnawen n tmura n Tmazɣa, akken ad dafen ttawilat d tedrimt i leqdicnneɣ.

Ad nger daɣen tiɣri i tdukkliwin n tuddar, d tdukkliwin tidelsanin timaziɣin anda ma llant, akken ad aɣdfkent afud i usnenri n uselmed n tmaziɣt, ad nger daɣen tiɣri i yal win yesɛan tamussni deg unnar n tmaziɣt ad diɛiwen i wakken tutlayt ad tettwaḥrez, ad tennerni, ad taɣ amkanis. Nezmer !

Tiwwura n ugraw PCAM ldint i maṛṛa i yiɣerbazen yebɣan ad zeddin warracnsen deg temzizlin ara dnheggi.

Ad dnesbedd tidukkliwin PCAM deg tmura n Tmazɣa d umaḍal akken ara tiǧhid, akken ad nseddu asenfaṛnneɣ akken iwata.

PCAM n Libya, Muritaniua, Lmerruk, Siwa n Maser, Mali, Tunes, Nnijer, Tigzirin Tiknaṛiyin, Lezzayer.

Tasga ara neldi deg internet ad dtili d assaɣ ara yezdin tidukkliwinnneɣ, inagmayen, inaẓuren, wid i ɣyettɛawanen…

Ad nger tiɣri i wid akk i izemren ad aɣɛiwnen ad dnerr leḥmala n tutlayt n tyemmat tamaziɣt i tarwanneɣ.

Tadrimt i ilaqen i warazen :

18 n yimttekkiyen

Tagellidt d ugellit ara dyufraren ad awin i yiwen …..

Akkwit :

Sin ara d yufraren deg Fṛansa ad awin 1400 € i yiwen.

Ass n 16 mayu 2018